bacongellan

14.desember

2005-12-06T19:40:00.000-08:00

Mikið er tíminn fljótur að líða, næstum heill mánuður síðan ég bloggaði síðast. Ég er ekki dugleg núna en ég er heldur ekki komin lengst út í móa! Ég ákvað að gefa mér tauminn lausann á meðan allt þetta stress er að ganga yfir og stefni á að mæta aftur til leiks í janúar. Gangi ykkur öllum vel og gleðileg jól.

Svínsleg hegðun

2005-11-17T16:49:00.000-08:00

Já ég er búin að haga mér eins og svín undanfarið. Málið er að ég veit ástæðuna, ég er að borða yfir tilfinningar sem mér tekst ekki að díla við í augnablikinu. Ég byrja hvern dag með því að reyna að koma mér í réttan gír og það tekst fram til ca klukkan 16 og þá er fjandinn laus. Ég vildi að ég gæti látið loka mig inni á einhverju sultarhæli á meðan mér líður svona. Ég einfaldlega finn ekki haldbært ráð til að ná tökum á þessu og ég sekk neðar og neðar með hverjum deginum sem ég finn fyrir þessu stjórnleysi. Ég þori sko ekki orðið á vigtina lengur. Ég hélt að ég væri komin á beina braut í þessum matarmálum og að svona aðstæður tilheyrðu fortíðinni en það virðist ekki vera.

Takk stelpur fyrir aðhaldið. Ég er bara svo mikill lúser þessa dagana að það virðist ekkert virka á mig. Ég veit ekki hvað ég get sagt meira, mér líður bara ömurlega!!

Miðvikudagur 9.nóvember

2005-11-09T01:33:00.000-08:00

Tala dagsins er 98,3 kíló. Ég stóð mig ekki nógu vel í gær, viðurkenni það bara. Þessi vika er algjört stressógeð en ég reyni eins og ég get að halda mér á mottunni matarlega. Bumbuskvísa spyr afhverju ég kem með tölu daglega núna, það er vegna þess að ég var farin að svindla út í eitt en með því að koma með tölu daglega þá virkar það hvetjandi á mig og gefur mér aðhald. Tala nú ekki um þegar ég veit að þið eruð að fylgjast með mér og ef talan hækkar bara og hækkar þá fæ ég spark í afturendann frá ykkur og það er svoooooo voooont!!! lol

Þriðjudagur 8.nóvember

2005-11-08T01:23:00.000-08:00

Sama tala í dag og var í gær, 98,4 kíló. Má ekki vera að því að fara bloggrúnt núna, sorrý stelpur, allt brjálað að gera hjá mér núna!!

Mánudagur 7.nóvember

2005-11-07T00:37:00.000-08:00

Í dag er ég 98,4 kíló, 800 grömm horfin frá því ég vigtaði mig síðasta mánudag. Ég er sátt við það og stefni á að ná svindlsukkinu (tvö kíló í viðbót) af mér sem fyrst svo ég geti haldið áfram ferðalaginu mínu niður fitufjallið. Helgin var frekar erfið matarlega séð og núna er að byrja mikil stressvika. Ég get – ég ætla – ég skal - SIGRA!

Sunnudagur 7.nóvember

2005-11-06T01:21:00.000-08:00

Tala dagsins er 98,2 kíló. Það gengur ágætlega hjá mér að halda mér á mottunni, ég kvíði samt næstu viku þar sem það verður talsvert mikið að gera og það hefur reynst mér erfitt. Ég þarf að undirbúa mig vel og versla inn nóg af hollustu til að vera vel undirbúin. Kem með tölu aftur í fyrramálið.

Laugardagur 5.nóvember

2005-11-05T03:12:00.000-08:00

Tala dagsins er 97,9 kíló. Jamm, soldið rokk upp og niður en dagarnir eru ósköp svipaðir hjá mér. Í gær borðaði ég óvenju mikið af grænmeti, veit ekki hvort það er ástæðan fyrir upp sveiflu í dag. Kem með tölu á morgun!

Föstudagur 4.nóvember

2005-11-04T02:16:00.000-08:00

Tala dagsins er æðisleg, skil samt ekki alveg hvað er að ske en vigtorían mín lýgur ekki! 97,2 kíló, ég er greinilega að standa mig vel, ekki satt?? Í sumar lenti ég í smá krísu um tíma og þá tók ég mig til og vigtaði mig kvölds og morgna og skrifaði niður í litla bók, sú aðferð virkaði líka vel á mig því mér tókst að stýra mér á rétta braut aftur og var snögg að því. Jæja ég kem með tölu á morgun, takk stelpur fyrir stuðninginn, þið sjáið hvað hann virkar vel :)

Fimmtudagur 3.nóvember

2005-11-03T01:33:00.000-08:00

Tala dagsins er 98,4 kíló. 200 grömm upp en það er eðlilegt að rokka soldið. Ég hagaði mér vel í gær, engin synd sem ég þarf að játa. I´ll be back - á morgun með töluna mína :)

Miðvikudagur 2.nóv

2005-11-02T01:01:00.000-08:00

Mér gekk frábærlega í gær að halda mig í rétta gírnum, hollt matarræði og jákvæðar hugsanir. Takk enn og aftur fyrir stuðninginn sem eflir eldmóðinn minn hressilega!! Vigtin í morgun sagði 98,2 kíló, 200 grömm af síðan í gær, heilt kíló af á tveim dögum, 1,8 kíló eftir þar til ég kemst þangað sem ég var komin áður en sukkpúkinn hélt innreið sína. Eins og við vitum þá ske kraftaverkin ekki á einni nóttu, við þurfum að endast einn dag í einu til að upplifa árangur. Á morgun set ég svo aftur inn tölu, loforð!

p.s. Það virkar rosalega vel að setja inn vigtina á hverjum degi þegar maður lendir í svona sukkpytti. Ég mæli hiklaust með þessari aðferð!!

Þriðjudagur 1.nóv

2005-11-01T01:47:00.000-08:00

Þegar ég las kommentin í gærkvöldi frá ykkur yndislegu átakssystrum mínum þá sá ég að það var kominn tími á mig að standa mig. Takk innilega, hvar væri ég án ykkar?? Já ég veit, ég væri 130 kíló sennilega ef ég hefði ekki fundið átaksbloggið hennar Lilju á sínum tíma sem kom mér af stað. Og núna er hópurinn heldur betur að stækka eftir þáttinn hjá Sirrý. Það er gott mál að fólk taki á þessum vanda og þessi aðferð hefur hjálpað mér að losna við yfir 20 kíló. Allt með hjálp ykkar sem fylgist með og kommentið, þrýstingurinn gerir gæfumuninn!

Jæja, vigtin í morgun var 98,4 kíló. 800 grömm af síðan í gær. Ég er vön að rokka talsvert á vigtinni, jafnvel upp og niður um heilt kíló á milli daga stundum. Þannig að ég á alveg von á að þetta sé nú ekki allt saman farið endanlega en á meðan ég fer niður og bara niður frá hæsta sukkpunkti (99,3) þá er ég ánægð.

Og svo kem ég aftur með tölu á morgun, loforð!

Svikin loforð - 99,2

2005-10-31T02:00:00.000-08:00

Ég svík öll loforð þessa dagana! Ekki skrýtið að vigtin fari ekki niður. Í morgun var ég 99,2 og mér finnst ég vera algjör lúser. Hugsa á hverjum degi að ég ætli að standa mig en geri það svo ekki. Reyni það ekki einu sinni. Líður illa í maganum afþví að ég er að borða óhollt og líka afþví að ég finn fyrir kvíða yfir hvernig ég er að haga mér. Ég ætla að prufa að setja hérna inn vigtina daglega og skoða hvort það hefur jákvæð áhrif á mig. Enn eitt loforðið, ætli ég svíki það líka?

Sönnunarblogg

2005-10-22T02:22:00.000-07:00

Ég ætla að halda þessum uppsukkkílóum aðskildum frá raunverulega átakinu mínu. Uppsukkkílóin tel ég frá 96,6 sem ég var komin niður í þegar sukkþörfin sigraði mig og fór ég allaleið upp í 99.3. Í morgun sýndi vigtin 98.6 og þá á ég eftir 2 kíló þar til ég er komin á rétta leið aftur. Þetta er hrikalega erfitt þessa dagana en ég er ekki á leiðinni að sleppa mér út í sukkið aftur, ég þrjóskast við á hverjum degi og skal ná mér á beinu brautina aftur! Kem fljótlega með árangurstölur til að sanna að ég er að gera góða hluti. (það virkar ekkert smá vel á mig að skrifa þetta hérna í bloggið að ég komi með sönnunarblogg fljótlega, alltaf þegar ég ætla að sukka þá man ég eftir hverju ég lofaði)

Barátta

2005-10-20T02:57:00.000-07:00

Mér finnst ég vera að taka á þessu en vigtin í morgun sagði 300 grömm UPP!! Hvað er í gangi eiginlega?? Ferlega er þetta eitthvað erfitt núna! Ég svo sem veit að það hefur áhrif hvað það er mikið að gera hjá mér núna. Mér hættir til að gleyma að borða og þá skapast hættuástand því þegar ég finn fyrir svengdinni þá hættir mér til að fá mér eitthvað fljótlegt en að sama skapi ekki hollt fyrir línurnar né bara yfirhöfuð neitt hollt. ansk!!!

Ég SKAL SKAL SKAL ná þessu!!!

Syndajátning

2005-10-12T11:51:00.000-07:00

Ég hef ekki verið að haga mér vel undanfarið í átaksmálunum mínum. Var búin að vera í daglegri baráttu í talsverðan tíma sem endaði svo á því að ég sleppti öllum taumum og hellti mér út í ofát. Á hverju kvöldi hugsaði ég að núna væri komið nóg og á morgun ætla ég að taka á þessu en svo kom næsti dagur og hann var alveg eins og gærdagurinn. Ég þorði ekki á vigtina og ég var farin að finna til kvíða og samviskubits út af þessu öllu. Í morgun tók ég á sjálfri mér og steig á vigtina og hún sýndi 99 kíló. Þannig að ég hef þyngst um 2,4 kíló. Ég er auðvitað ákveðin í að taka á þessu strax og áður en þetta verður hrikalegt mál. Ég ætla að koma mér aftur í rétta gírinn og ég held að með því að taka á mínum eigin hugsunum þá takist mér að snúa þróuninni aftur á rétta braut. Það eru hugsanir eins og

“ég get þetta ekki í dag”

og

“ég verð dugleg á morgun”

og

“þetta er svo erfitt”

sem ég þarf að skipta út fyrir

“í dag ætla ég”

og

“á morgun ætla ég líka”

og

“átak er miklu auðveldara en að vera fitubolla”

Dagurinn í dag er búinn að vera þokkalegur, það er léttir að vera komin í átakið aftur og kvíðinn og samviskubitið er minna núna þegar ég finn að ég er ekki útblásin af einhverri óhollustu. Svo er bara að hugsa á hverjum degi um markmiðin og vera staðföst.

Það er ekki ætlun mín að bjóða ykkur átakssystrum mínum að fylgjast með mér klifra upp og niður sömu kílóin endalaust og þessvegna ætla ég að koma með tölur fljótlega til að sýna og sanna að ég er að vinna í mínum málum!

aftur 400 grömm

2005-09-21T02:11:00.000-07:00

Ég er ekkert smá ánægð með mig núna, aftur farin 400 grömm! Ég er orðin eitthvað svo nojuð yfir að ég sé að þyngjast að ég þori varla á vigtina á morgnana en ég veit að ég verð að vigta mig daglega því annars læðist kæruleysispúkinn inn og hvíslar að mér að það sé nú bara allt í lagi að fá sér hitt og þetta. Þegar ég vigta mig daglega þá get ég svarað honum fullum hálsi “nei það er ekki í lagi, sjáðu bara vigtina” En þegar mikið er að gera þá hættir mér til að grípa bara eitthvað fljótlegt og er með milljón afsakanir reiðubúnar. En ég er að reyna að taka á þessu!

Þetta með “klukkið” ég er kannski ekki alveg með á nótunum í sambandi við þetta en það verður þá bara að hafa það, þetta er það sem mér datt í hug:

Ég rauða úlpu

Ég passa aftur í skóna mína núna

Ég er fjórum kílóum léttari inn í fataskápnum mínum, ótrúlegt en dagsatt

Ég á litla sæta hundastelpu sem býr ekki hjá mér og þótt hún sé álíka lítil og köttur þá vann hún það afrek að bjarga lífi mínu

Uppáhaldsilmvatnið mitt er She frá Armani

Vigtoría vinkona mín

2005-09-17T01:15:00.000-07:00

400 grömm farin frá því ég bloggaði síðast. Ég er eiginlega hissa en vigtin skrökvar ekki. Ég á ekki von á neinum svaka hraða í þessum málum á næstunni miðað við hvernig allt er núna en ég er alveg staðráðin í því að vernda með kjafti og klóm þann árangur sem þegar er kominn!! Og ég mun taka sprett aftur þegar um hægist. Ég ætla mér að komast alla leið!!! Hef ég sagt það áður? :D

Góðar og slæmar

2005-09-13T02:20:00.000-07:00

Það eru bæði góðar fréttir og slæmar fréttir! Góðu fréttirnar eru þær að ég er 100 grömmum léttari frá því ég bloggaði síðast og slæmu fréttirnar eru þær að ég er ekki alveg að höndla aðhaldið þessa dagana. Ég borða óreglulega og rangar fæðutegundir. Það er svo freistandi að grípa eitthvað fljótlegt þegar mikið er að gera. Hafragrauturinn er dottinn út og gróft mjólkurkex komið í staðinn. Ég er samt ennþá dugleg í fisk og grænmeti en svo læðist með ein og ein rækjusamloka eða eitthvað álíka miður æskilegt en fljótlegt. Og svo er ég ekki eins dugleg að hreyfa mig því tíminn fer allur í námið. Ég veit að mér líður betur ef ég fer í mína göngutúra og ég þarf að sparka mér áfram því ég virðist alltaf leita aftur í hreyfingarleysi ef ég er ekki ströng við sjálfa mig. Þetta er allt undir sjálfri mér komið og ég veit að ef árangur september mánaðar verður 300 grömm þá verð ég ekkert sérlega hamingjusöm!! *spýt.í.lófa.og.herða.sig*

Uppgjör ágústmánaðar

2005-09-01T01:35:00.000-07:00

Árangur ágústmánaðar er 1,9 kíló. Ég er 97,5 kg núna - 22,5 kíló farin í heildina og BMI dottið niður úr 38,3 í 31,1. Ég hlakka svo mikið til að komast í 94 kíló því þá er ég dottin úr BMI-offituflokknum niður í ofeldisflokkinn. Ég hef soldið verið að velta fyrir mér að prufa DDV kúrinn. Ég hef hingað til haft fáar en stífar reglur, skera niður fitu og sykur og borða litla skammta. Þetta hefur allavega dugað til að losa mig við fyrri helminginn af fitufjallinu en mig langar soldið að prufa eitthvað annað þó það verði ekki nema í smá tíma svona til skoðunar.

Aftur í hollustuna

2005-08-21T18:52:00.000-07:00

Já það þýðir víst ekkert annað en að halda áfram á réttu línunni. Brosa bara og skella sér í seinni helminginn. Ætla ekki að velta því fyrir mér þótt einhver sé að kafna úr geðvonsku. Held bara mínu strikið hvað sem hver raular og tautar. Veit ekki hvenær ég blogga næst en kem allavega með tölur um mánaðamótin.

slurp

2005-08-20T16:21:00.000-07:00

Hálfnuð

2005-08-19T18:17:00.000-07:00

500 grömm fóru í morgun og þar með er ég hálfnuð. Vissulega ánægjuleg tímamót. Í því tilefni ætla ég að fara á gott kaffihús og fá mér syndsamlega tertusneið og kakó með rjóma. Það er langt síðan að ég ákvað þetta og núna er komið að því og ég ætla að njóta þess í botn. Svo hefst seinni helmingur þessarar ferðar niður fitufjallið mitt og ég veit að það verður ekkert auðvelt í því dæmi frekar en í fyrri helmingnum en þó get ég sagt að þessi ferð mín hefur ekki verið nærri því eins erfið og ég hélt að hún yrði. Aukin hreyfing hefur gert svo mikið fyrir mig, betri andleg líðan og fallegri fætur til dæmis. Ég stóð mig að því um daginn að vera á harðahlaupum UPP stiga, ég var eitthvað að flýta mér, ég var nú orðin þannig þegar ég var sem þyngst að þá silaðist ég upp stiga rauð og græn og fjólublá yfir erfiðinu. Núna er ég komin með miklu meiri orku og labba mína göngutúra með ánægju og gleði í hverju skrefi. Þegar veðrið versnar mun ég hverfa inn í einhverja líkamsræktarstöð svo ég tapi ekki því sem áunnist hefur. Þangað til ætla ég að njóta útiverunnar sem gefur mér svo fallegt útlit.

Sumarfríið mitt var óvenjulegt. Ég hef alltaf leyft mér allt í sumarfríi, borða og sukka í öllu sem mig langar. Ekki núna. Ég notað það eingöngu til að efla sjálfa mig í hreyfingu og fór t.d. í nudd 12 sinnum svo eitthvað sé nefnt af öllu því sem ég gerði og það var ekki lítið. Ég lærði líka svo margt eins og að teygja rétt á vöðvunum eftir göngurnar og svo ræddi ég við næringarfræðing og hann sagði mér svo margt sem ég vissi fyrir en núna náði það alla leið upp í heilabúið á mér!! Ég vissi það auðvitað fyrir að til þess að grennast þá þarf maður að minnka inntöku á hitaeiningum og hreyfa sig. En ég var soldið föst í því að reyna að finna einhverja töfralausn sem bara grennti mig helst á nótæm. Töfralausnin er að minnka inntöku hitaeininga og hreyfa sig. ( við vitum þetta öll ) Ég þurfti um tíma að taka inn lyf sem jók mjög matarlystina mína og ég reyndi að telja lækninum mínum trú um að ég borðaði ekkert meira en venjulega, lyfið væri bara svona fjandi fitandi! Og það sem meira er, ég sjálf trúði bullinu í sjálfri mér! Eitt sem næringarfræðingurinn fullvissaði mig um og það er að borða hollan mat! Reyndar hef ég verið dugleg í því þetta árið en núna er ég meira en dugleg, ég hreinlega nýt þess að borða hollt fæði. Og svo má ekki gleyma að gleðja heilann öðru hverju og þessvegna er tertan og kakóið með rjómanum á dagskránni hjá mér núna, heilinn þarf sitt stöku sinnum svo ég sé glöð. Vikulegir nammidagar eru í mínu tilfelli ekki í lagi og ég ræddi það við næringarfræðinginn og hann sagði mér að ef ég legði saman hitaeiningafjölda vikunnar og ætlaðist til að grennast um x tölu á viku og inn í því væri nammidagur með milljón skrilljón hitaeiningum þá auðvitað gengi dæmið ekki upp eins og ég vildi.

Í tilefni þess að ég er hálfnuð ætla ég að biðja ykkur að syngja með :

http://www.hugi.is/hahradi/bigboxes.php?box_id=51208&f_id=1216

LOL – alveg frábær þessi strákur, ég er með hann í favorites og opna hann við svona spes tækifæri og syng með honum - LOL

------------------------------

Smá fróðleik langar mig að bæta hérna inn sem ég hef gúgglað upp.

-----------------------------

Holdafar fólks ákvarðast af lifnaðarháttum og erfðum. Illa hefur gengið að finna þá erfðastofna sem ákvarða holdafar og þar með offitu en það kann að vera að breytast. Nýlega hefur tekist að finna erfðagalla sem veldur offitu í músum. Rannsóknir á þessum dýrum hafa aukið skilning manna á því hvernig holdafari er stjórnað og þeim kerfum sem flytja boð milli fituvefs og miðtaugakerfis. Vísindamenn hafa nú fundið svipaða erfðagalla í mönnum sem geta leitt til offitu. Flest bendir til að offita sé sjúkdómur sem, eins og flestir aðrir sjúkdómar, stafar af erfðum og umhverfisþáttum í sameiningu.
________________________________________

Þrátt fyrir viðvaranir lækna og annarra heilbrigðisstarfsmanna verður offita sífellt algengari. Holdafar ákvarðast af jafnvæginu milli neyslu og bruna. Við innbyrðum daglega fæðu sem inniheldur ákveðinn fjölda hitaeininga og þessi orka er notuð til að reka áfram ýmis efnaferli og til að framleiða varma.

Rannsóknir sem voru gerðar á grönnu og feitu fólki á fjórða áratugnum bentu til þess að allir brenndu álíka mikilli orku og menn drógu þá ályktun að holdafar stjórnaðist eingöngu af neyslu. Af þessu leiddi að áherslurnar voru einkum á mataræði og megrunaraðferðir byggðust á matarkúrum, lyfjum sem draga úr matarlyst og öðru þess háttar.

Á undanförnum árum hefur þetta verið að breytast og menn hafa áttað sig á því að rannsóknirnar frá fjórða áratugnum segja ekki alla söguna og bruni skiptir líka miklu máli. Margir hugsa um bruna sem líkamlega áreynslu en það er heldur ekki öll sagan. Flestir hafa tekið eftir því að fólk borðar og hreyfir sig mismikið en bara sumir verða feitir og það eru ekki endilega þeir sem borða mikið og hreyfa sig lítið.

Eitt af því sem sennilega skiptir miklu máli er brún fita. Það hefur verið vitað lengi að auk hvítu fitunnar eru flest dýr með smávegis af brúnni fitu. Dýr sem fara í vetrardvala eru með sérstaklega mikið af þessari brúnu fitu. Um 1960 fundu menn að brúna fitan myndar mikinn varma og síðar kom í ljós að einstaklingar með mikið af brúnni fitu voru gjarnan grannir og heitfengir en þeir sem höfðu lítið af brúnni fitu voru feitir og kulvísir. Þessi skipting er þó engan veginn algild og málið er flóknara en það virtist á tímabili.

Börn eru með dálítið af brúnni fitu sem virðist minnka með aldrinum og fólk hefur einmitt tilhneigingu til að fitna með aldrinum en flestir vilja fara varlega í að draga ályktanir af þessu.

Líkaminn leitast alltaf við að halda þyngdinni stöðugri; ef við borðum meira en venjulega reynir líkaminn að hindra fitusöfnun og öfugt ef við sveltum. Þetta byggist á boðkerfi sem flytur boð milli fituvefs og miðtaugakerfis og menn eru nú að byrja að skilja þetta boðkerfi. Eitt af því sem fundist hefur er lítið prótein sem kallast leptín og myndast bæði í hvítum og brúnum fituvef. Myndun leptíns og magn þess í blóði vex ef stærð eða fjöldi fitufrumna eykst. Sýnt hefur verið fram á að þetta prótein miðlar boðum um saðningu. Mýs sem var gefið próteinið í æð í nokkra daga átu aðeins um þriðjung þess sem þær gerðu áður. Talið er nokkuð víst að aðalverkun leptíns sé í miðtaugakerfinu og ef því er sprautað inn í heilann hætta dýrin næstum að éta. Í þeim hluta heilans sem nefnist undirstúka hafa menn fundið viðtaka sem binda leptín og koma boðunum áleiðis.

Í músum eru þekktir fimm mismunandi erfðagallar (stökkbreytt gen) sem allir valda offitu, sumir koma í veg fyrir eðlilega myndun leptíns í fituvef en aðrir koma í veg fyrir myndun eðlilegra leptínviðtaka í heilanum.

Hér opnast alveg nýir og spennandi möguleikar í baráttunni við sjúkdóminn offitu, það er að segja offitu sem ræðst af erfðaefni einstaklingsins. Þeim sem eiga í þeirri baráttu duga megrunarkúrar, líkamsrækt og lyf yfirleitt lítið sem ekkert þó að slíkt hjálpi öðrum sem berjast gegn holdafarsvandamálum af öðrum toga. Offitusjúklingar verða þó að þrauka nokkur ár enn. Þeir bjartsýnu telja að núverandi rannsóknir fari að skila áþreifanlegum árangri innan nokkurra ára og þá munum við vonandi ráða yfir betri lækningu við offitu en hingað til.

-------------------------------------------------------------

Heildarmagn fitu í líkamanum, það er hversu feitur einstaklingur er, fer eftir tvennu - annars vegar fjölda fitufrumna og hins vegar stærð þeirra eða hversu fullar þær eru af fitu.

Fitufrumur eru að mestu fylltar af fituefnum sem nefnast þríglýseríð. Kjarni þeirra og önnur frumulíffæri eru samanþjöppuð í örlítið svæði utan við fitubóluna sem geymir fituna. Hlutverk fitufrumna er að geyma ónotaða fitu í líkamanum á formi þríglýseríða. Til þess að sinna þessu hlutverki sínu geta frumurnar þanist út og stækkað gífurlega. Þannig geta fitufrumur í of feitum einstaklingi orðið hundrað sinnum stærri en í grönnum einstaklingi. Hver hitaeining sem við innbyrðum er ýmist nýtt eða geymd. Þegar við borðum meira af orkuríkri fæðu en sem nemur orkunni sem við notum söfnum við fitu og fitufrumurnar fyllast og stækka. Ef við notum aftur á móti meiri orku en við neytum skreppa fitufrumurnar saman, en fjöldi þeirra breytist ekki.

Gjarnan er talað um tvenns konar offitu eftir því hvenær á ævinni hún kemur fram - offitu sem kemur fram í æsku og offitu sem kemur fram á fullorðinsaldri.

Offita í æsku
Vöxtur líkamans á sér fyrst og fremst stað frá því fyrir fæðingu og þar til unglingsárunum lýkur. Hann er sérlega hraður síðustu þrjá mánuði í móðurkviði, fyrstu þrjú ár ævinnar og á unglingsárunum.

Á meðan á vexti stendur hefur líkaminn möguleika á að safna ofgnótt af fitufrumum. Offita sem hefst í æsku leiðir til marktækt fleiri fitufrumna en í grönnum einstaklingi. Aukinn fjöldi fitufrumna í æsku gerir einstaklingnum erfiðara fyrir að létta sig þegar hann kemst á fullorðinsár og þar með að viðhalda kjörþyngd. Að sama skapi er auðveldara að bæta á sig á ný seinna meir.

Megrun og líkamsrækt stuðla að því að fitufrumurnar minnka en fjöldi þeirra breytist ekki það sem eftir er ævinnar. Við sitjum því uppi með allar þær fitufrumur sem við myndum á vaxtarskeiði ævina á enda.

Fitusöfnun á fullorðinsárum
Offita sem kemur fram á fullorðinsaldri stafar fyrst og fremst af stækkun fitufrumna. Fólk sem fitnar fyrst á fullorðinsaldri á líklega auðveldara með að léttast og viðhalda æskilegri þyngd vegna þess að það hefur færri fitufrumur en fólk sem hefur orðið of feitt í æsku

Bráðum hálfnuð

2005-08-16T02:56:00.000-07:00

800 grömm farin frá því ég bloggaði síðast. Samkvæmt minni áætlun þá þarf ég að losa mig við 500 grömm og þá er ég hálfnuð í mark. Ég stefni á BMI 23,9 en skallinn í BMI er 19 til 26 er heilbrigði og 27 til 30 er ofeldi og allt yfir 30 er offita. Ég er ennþá í offitu-flokknum en mér hreinlega líður alls ekki þannig. Ég talaði við næringarfræðing í sumar til að fara yfir matarræðið mitt og hann fann ekkert athugavert við fæðið mitt og sagði að ég mætti halda svona áfram. Hann sagði mér að það væri besti árangurinn að losa sig við 2 kíló á mánuði og hann útskýrði fyrir mér að þannig færi ég best með líkamann. 2 kíló á mánuði gera 24 kíló á ári og það er nú ekki slæmt. Þannig að ef mér tekst að halda mig við þessi 2 kíló á mánuði þá verð ég komin í mark í ágúst á næsta ári.

Ég notfærði mér útsölurnar og keypti mér talsvert af mjög góðum fötum. Sumt keypti ég viljandi of lítið og það er ögrandi verkefni að stefna að passa í þau föt. Í vor mátaði ég jakka sem mér fannst algjört æði, hann var til í tveim númerum, annað númerið passaði á mig og fór mér mjög vel en hitt númerið var allt allt of lítið og ég keypti litla jakkann. Hann var svo þröngur yfir mig að það var ekki fræðilegur möguleiki á því að renna upp rennilásnum, ég mældi sentimetrana sem vantaði uppá og þeir voru 18. Núna get ég rennt honum upp en ég þarf að losna við ca 4 til 5 kíló þar til ég verð alveg sátt við að ganga í honum.

Nýtt líf

2005-08-09T04:39:00.000-07:00

Frá því ég bloggaði síðast eru farin 600 grömm. Ég sit hérna við tölvuna í nýjum þröngum gallabuxum og er ekkert smá montin með sjálfa mig. Ég ætla að fá mér einkaþjálfara í einn mánuð til að koma mér af stað í að þjálfa og móta vöðvana. Ég er komin í gang með heilmikla hreyfingu og finn að ég er tilbúin núna til að bæta við mig og koma mér af stað inn á líkamsræktarstöð. Í næstu viku byrja ég í Háskólanum í Reykjavík og ég hlakka bara til. Þunglyndi og félagsfælni eru á bak og burt núna og ég er tilbúin til að takast á við meira og meira.

Tveggja stafa talan í höfn

2005-08-03T07:31:00.000-07:00

Draumurinn er orðinn að veruleika, komin í tveggja stafa tölu. Frá því ég bloggaði síðast eru farin 2,6 kíló. Ég er því 99,4 kíló núna. BMI er 31,6. Búin að losa mig við 20,6 kíló og BMI lækkað úr 38,3 í 31,6. Á eftir að losa mig við 24,4 kíló. Ég er komin af stað í svaka hreyfingu, daglegar gönguferðir og sund, enda búin að vera með ofboðslegar harðsperrur og strengi. Svo hef ég alveg sleppt öllu kjöti og borða mikið grænmeti og baunir og fræ og stundum fisk. Byrja daginn á lýsi og gulrótarsafa og svo hafragraut og sólblómafræ og hörfræ og rúsínur. Orðin hraustlegri í útliti og full af orku. Gamla feita og dapra konan í speglinum mínum er horfin og í staðin er komin hraustleg kona með glampa í augum!!

Engar fréttir = góðar fréttir

2005-06-27T12:51:00.000-07:00

Ég er í sömu kílóatölu og ég var í síðasta bloggi, 102 kíló, 18 kíló farin, 27 kíló þar til ég kemst í mark. Og ég mun komast í mark. Ég mun sennilega ekki blogga aftur fyrr en einhverntíma í júlí, kannski ekki fyrr en bara seinnipartinn í júlí. Kemur í ljós. Ég vildi bara koma því á framfæri hérna svo ykkur fari ekki að detta sú fásinna í hug að ég væri kannski dottin af baki....ónei, ég ætla alla leið í mark!

Kannski verð ég komin í tveggja stafa tölu þegar ég þeysist hingað inn næst!!??!!

Adios :D

Bloggleti

2005-06-24T09:55:00.000-07:00

Já ég er eitthvað löt að blogga hérna núna. En frá því ég bloggaði síðast þá er farið 1 kíló. Þó ég sé á hraða snigilsins núna þá er ég samt að fara í rétta átt og það er betra að taka góðan tíma í þetta því ofurhraðamegranir eru víst ekki eins árangursríkar. Mér líður orðið svakalega vel og passa orðið í fallegu sumarfötin mín og ég keypti mér gallabuxur fyrir mánuði síðan og þær eru að verða of stórar. En svo eru öll flottu fötin mín sem ennþá eru of lítil og ég hlakka mikið til að komast í þau. Sífelld veisla hjá mér þegar ég tek mig til og gramsa í skápunum og máta! Og svo læðist ég öðru hvoru í búðir og kaupi eitthvað smart en ég er samt að reyna að gera ekki mikið af því. Ég ætla nefnilega að kaupa helling þegar ég kemst í mark!

Allt niður er PLÚS

2005-06-10T07:42:00.000-07:00

Aftur 200 grömm í morgun! Ég finn að það virkar vel á mig að blogga um árangur þótt hann sé bara ponsulítill. Mér finnst líka best að vera ekkert með neina sérstaka vigtunardaga heldur bara setja inn árangurinn um leið og hann sést á vigtinni en stundum safna ég saman og set inn slatta í einu en af því að ég er búin að vera í smá baráttu að undanförnu þá skelli ég inn jafnóðum núna þótt það séu bara örfá grömm!

Á niðurleið

2005-06-08T23:18:00.000-07:00

200 grömm farin síðan ég bloggaði síðast. Ég er greinilega ekki á neinni hraðferð en allt niður er jákvætt. Nokkrum sinnum "smá" gerir að lokum "mikið" sem skiptir máli. Ég er búin að plana sumarfríið mitt og fer í burtu 28.júní og kem til baka 26.júlí. Ég býst samt við að komast á netið öðru hvoru á þessu tímabili til að blogga og ég ætla að taka vigtina mína með mér svo ég geti fylgst með og bloggað um árangurinn. Já ég ætla ekki að láta sumarfríið skemma fyrir mér! Ég er að grenna mig í eitt skipti fyrir öll og þá þýðir nú lítið að geta ekki tekið sér sumarfrí án þess að fitna!

Óskalistinn aftur á dagskrá!

2005-06-03T03:44:00.000-07:00

600 grömm farin síðan ég bloggaði síðast og það var nú bara í fyrradag! Já það virkar að borða rétt og það sem virkar best af öllu er að borða rétt í dag og fresta því ekki. Ég léttist ekki við það að borða rétt á morgun eða seinna! Ég er staðráðin í að komast í kjörþyngd og þá þarf ég auðvitað að legggja eitthvað á mig til þess að láta þann draum rætast! Það var líka á óskalistanum að komast í tveggja stafa tölu í júní og þá er ekkert annað en að bretta upp upp ermar og skálmar og hafa fyrir því að uppfylla óskalistann því það gerist ekki að sjálfu sér! Já ég held bara að gamall eldmóður sé að vakna upp í heilabúinu núna, sem betur fer!!!

Maí uppgjör

2005-06-01T03:46:00.000-07:00

Þá er komið að mánaðarlegu uppgjöri. Það fóru 2 kíló í mánuðinum og ég er núna 104 kíló. Þá er ég búin að losa mig við 16 kíló í heildina og á eftir 29 kíló. BMI er komið niður í 33,2. Og þá er það syndajátningin, ég er hreinlega ekki borða megrunarfæði þessa dagana! Ég hef ekki náð mér á strik í matarræðinu eftir að ég fékk flensuna en það er eins og virðist alltaf vera í mínu lífi að sjaldan er ein báran stök og eftir að flensan var búin þá tóku við slíkir erfiðleikar að það hrikti í sálartetrinu og það er alltaf sama sagan hjá mér að ef ég er ekki í andlegu jafnvægi þá borða ég eins og hvalur. Þetta er að vísu ekki nýtt mál en hefur þjakað mig verulega síðustu árin og ég sé því miður ekki ennþá fyrir endann á því. Ég dreif mig um síðustu helgi á aðstandendanámskeið hjá SÁÁ til að rifja upp það sem ég hef áður lært en meðvirkni er þannig að þó maður læri hvað maður á að vara sig á og vandar sig í alla staði þá er alltaf hætt við að maður falli aftur í sama ástandið og ég fann að ég þurfti að tuska mig til í sambandi við meðvirknina mína. Ég er alltaf svo óendanlega þakklát fyrir alla þá hjálp sem maður getur sótt sér í svona aðstæðum. Ég verð að taka matarræðið mitt í gegn aftur það er nokkuð ljóst!! Ég get gert svo miklu betur heldur en ég er að gera þessa dagana og þó ég sé miklu sáttari við mig núna heldur en fyrir 16 kílóum þá er stefnan að komast í kjörþyngd og það er bara ekki eftir neinu að bíða með það að halda áfram! Ég er haldin frestunaráráttu og þarf að taka á henni núna! Það er auðvitað týpískt að fólk með frestunaráráttu frestar því að taka á henni en það er auðvitað ekkert betra að fresta því til morguns að borða rétt!

Súkkulaðikílóin mín

2005-05-20T02:51:00.000-07:00

Það eru farin 300 grömm síðan ég bloggaði síðast. Soldið lítið ég veit en ég stend mig vel í matarræðinu og er ekkert að svindla en ég mætti samt borða minni skammta því þá auðvitað léttist ég hraðar. En ég lenti í rosa skondnu og þá skýrðist nú ýmislegt fyrir mér. Ég fékk svona súkkulaði e-mail þar sem er verið að segja að súkkulaði sé í raun ekkert fitandi og svo á maður að áframsenda þetta og ef maður sendir þetta til X margra þá grennist maður um einhver kíló og alltaf meir og meir eftir því sem maður sendir þetta til fleiri en ef maður sendir þetta ekki áfram þá fitnar maður um 10 kíló. Ég þoli reyndar aldrei svona kúgunarpóst en í þetta skipti ákvað ég að senda þetta áfram og gerði það auðvitað í fíbblagangi að skrifa með að ég ætlaði að treysta því að ég myndi léttast einn tveir og bingó við að áframsenda þetta. Ég hugsaði svo ekkert meir um þetta og morguninn eftir var ég að leita að sumarlegum skóm inn í skáp og rakst þá á gömlu vigtina mína sem ég hætti að nota í fyrra vor þegar ég fékk mér digital vigt. Og viti menn, það rifjaðist upp fyrir mér afhverju ég hafði ekki hent henni, ég er 4 kílóum léttari á henni!!!! Hvernig í ósköpunum gat ég gleymt þessu!!!?!!! Þetta skýrir nú ýmislegt fyrir mér, ég t.d. skildi ekkert í því afhverju ég komst orðið í buxur sem ég notaði þar síðasta sumar en þá var ég 10 kílóum léttari en ég er núna ( á nýju vigtinni )!! Þegar ég svo fékk svar frá vinkonu minni við súkkulaði e-mailinu hvort þetta hefði virkað hjá mér þá gat ég auðvitað svarað JÁ!! Þessi gamla vigt mun aldrei lenda í ruslinu hjá mér því ég get alltaf sagt að ég sé fjórum kílóum léttari inn í skáp!!

Þriðjungur að baki

2005-05-05T10:34:00.000-07:00

Frá því að ég bloggaði síðast hef ég lést um 1,4 kíló! Ég sá þessa tölu strax á mánudagsmorguninn en vildi ekki alveg taka hana trúanlega strax, fannst þetta vera eitthvað furðulegt en ég er búin að sjá það núna að þetta er staðreynd, vigtoría skrökvar ekki marga daga í röð!! Þá er ég búin með 1/3 af átakinu núna og það er yndislegt að finna hvað mér líður betur. Mér finnst ég stundum vera orðin voða fín bara og fíla mig mjóa og spengilega en það er hugurinn sem er eitthvað að hrekkja mig því þegar ég rifja upp hvernig mér leið þegar ég var á uppleið þá var ég nú ekkert voða ánægð með mig þegar ég var skriðin yfir hundrað kílóin. Þannig að ég þarf að passa mig að falla ekki í of mikla sjálfsánægju á niðurleiðinni.

Apríl uppgjör

2005-05-01T06:20:00.000-07:00

Vigtin stendur ennþá í stað frá því ég bloggaði síðast. Árangur apríl er 800 grömm! Ekki var það nú alveg eins og ég hafði hugsað mér en það var nú heldur ekki á dagskrá að fá flensu með öllu því sem fylgir henni. Ég er því 106 kíló núna og þá eru farin 14 kíló! BMI er 33,8 og ég á eftir að tæta af mér 31 kíló til að komast í kjörþyngd. Ég er 1,77 cm á hæð og ég veit að ég verð mjög ánægð með mig þegar ég er komin í 80 kíló en ég lagði upp með þessa ákvörðun að fara niður í 75 kíló og ég ætla ekki að breyta því markmiði, nógur tími til að spá í þau mál þegar nær dregur. Ég er að komast betur í gírinn aftur og í dagdraumum mínum sé ég sjálfa mig í tveggja stafa tölu í júní. Það er því best að bretta upp ermar og halda sér við efnið ef sá draumur á að rætast!

Ég hef vera að spá soldið í það hverju ég get þakkað þann árangur sem kominn er og held að ég sé búin að sjá út ákveðið mynstur hjá mér. Ég hef síðustu ár verið að fitna þrátt fyrir að vera eiginlega alltaf í megrun. Það er að segja, ég hef sjaldan látið upp í mig matarbita án þess að hugsa að núna dugar þetta ekki lengur og núna dríf ég mig í megrun. Svo hef ég drifið mig af stað í stranga megrun með tilheyrandi svelti og svengd og góðum ásetningi en um leið og eitthvað bjátar á þá stend ég ekki með sjálfri mér. Þessar megranir hafa því staðið og fallið með utanaðkomandi áhrifum í sambland við mína eigin hugsun. Ég hef ekki staðið nægjanlega með sjálfri mér t.d. þegar mér er boðið í mat og staðið sjálfa mig að því að borða til að þóknast öðrum þótt ég sé í hörku megrun. Daginn eftir svona matarboð er ég svo ekki eins staðföst og áður og þá fer boltinn að rúlla og ég er kominn út á tún í matarræðinu enn einu sinni. Ég hef líka verið í því að hugga mig á mat þegar eitthvað fer úrskeiðis, ýmis áföll hafa dunið yfir síðustu ár og rjómaísinn sem alltaf var á sínum stað í frystinum huggaði oft dapurt hjarta. Þetta er ferli sem ég hef verið í síðustu ár. Ég stend betur með sjálfri mér núna og tek einn dag í einu. Ég passa mig vel á því að borða hollan mat og sleppa ekki úr máltíðum og verða aldrei of svöng. Ég hef aldrei sérstaka nammidaga, leyfi mér einstaka sinnum smá tilbreytingu eftir góða umhugsun og nýt þess þá í botn en passa vel að búa ekki til samviskubit. Ég hef það í huga alla daga að ég sætti mig ekki við að vera of feit og er staðráðin í að breyta því og er reiðubúin til að leggja ýmislegt á mig til að ná árangri.

Er að komast í gang

2005-04-27T10:06:00.000-07:00

Frá því að ég bloggaði síðast eru farin 600 grömm. Ég er ekki alveg eins áhugasöm núna og ég var og þarf að sparka mér almennilega í gírinn aftur! Ég er ekkert að gefast upp neitt og ekkert að svindla en eftir flensu-sukkið þá hef ég verið að borða heldur meira magn og það hægir auðvitað ferðina mína niður fitufjallið. Ég er reyndar alls ekki orðin hress eftir þessa flensudruslu, ferlega slöpp og með sífelldan svima og eitthvað skrýtin í höfðinu. Fór til læknis í dag og hann sagði mér að koma aftur eftir næstu helgi ef sviminn verður ekki farinn þá, sagði að þetta væri eflaust eftirköst eftir veikindin. Þetta ástand er frekar pirrandi því ég þori varla að keyra bílinn svona svimandi og skrýtin eitthvað. Óþolandi svona veikindadrullupestir sem setja allt úr skorðum hjá manni.

Línurnar mínar hafa gjörbreyst við þessi kíló sem eru farin og klæðnaðurinn á mér hefur skánað hressilega. Ég er byrjuð að kannast aðeins við konuna í speglinum, hún er ekki eins súr á svipinn og stoppar aðeins lengur við spegilinn. Blogga næst á sunnudaginn en þá er mánaðarlegt uppgjör.

Skriftastóllinn

2005-04-21T06:20:00.000-07:00

Þó að ég sé ekki hrifin af kaþólskri trú þá hefur mér alltaf fundist skriftirnar hjá þeim aðdáunarverðar. Fólk hittir prestinn sinn inn í hálfgerðum kofa sem er tvískiptur með litlum glugga og fær tækifæri til að tjá sig um innstu hjartans mál. Það er aldrei gott að loka inni í sér áhyggjur og kvíða, betra að moka út, tala og tjá sig, gráta og urra allt eftir því hvað liggur á hjartanu hverju sinni. Sálfræðingar og geðlæknar gegna hlutverki skriftaföðurs að mörgu leiti með tilheyrandi kostnaði fyrir "sjúklinginn" sem er oft alls ekkert veikur heldur þarf í mörgum tilvikum öxl til að gráta við! Þessi formáli er bara hugleiðing mín því þegar ég loggaði mig hérna inn á blogger.com þá fannst mér allt í einu eins og að ég væri svo heppin að sitja inn í kaþólskum skriftastól og ætlaði mér að moka smá út.

Vigtorían mín sagði 106,6 kílóí morgun! Ég hef semsagt þyngst og það er ekkert skrýtið miðað við hvernig matarræðið mitt hefur verið í flensunni. Árangur apríl mánaðar mun ekki verða góður og tveggja stafa talan færist sennilega yfir í júní. Ég er bara þrælhress þrátt fyrir þetta, einn mánuður til eða frá skiptir ekki öllu máli finnst mér! Að halda áfram í átakinu skiptir öllu máli og sérstaklega núna finn ég hvað þetta blogg er dýrmætt. Ef ég væri ekki að skrifa ferðalýsinguna mína niður fitufjallið þá væri ég sennilega kærulausari núna og myndi eflaust taka upp gamlan ósið að velta því á undan mér að byrja aftur í átakinu!

Ó, þú brostir svo blítt,
og ég brosti með þér.
Eitthvað himneskt og hlýtt
kom við hjartað í mér.

Gleðilegt sumar

Flensa aldarinnar :(

2005-04-18T08:32:00.000-07:00

Er bara að láta vita af mér en ekki að segja neinar árangurssögur! Búin að liggja í flensu aldarinnar síðan á þriðjudag í síðustu viku og er engan veginn orðin góð!! Allt matarræði farið til fjandans. Ætla ekki að stíga á vigtina strax því ég veit að ég er ekki í góðum málum. Í gær lofaði ég sjálfri mér að taka mig taki í dag og ég ætla að standa við það. Veikindi ættu að þýða léttari vigt og lystarleysi en það er ekki svo hjá mér því miður. Það er eins og að öll staðfesta fari til fjandans og mig langar ekki í neitt nema eitthvað sem má ekki borða. Er alveg ferlega svekkt yfir þessu! Ætla að blogga aftur á fimmtudaginn og koma þá með nýjar tölur (ljótar) held að það sé besta ráðið fyrir mig eins og staðan er í dag til að halda mér við efnið og líka til að ég haldi ekki áfram í sukkinu!!

Annars eru öll góð ráð vel þegin núna!!

Á harðahlaupum... :)

2005-04-12T01:01:00.000-07:00

Það eru horfin 800 grömm síðan ég bloggaði síðast. Þetta er rúm vika og ég er bara þokkalega ánægð með þennan árangur. Ég er á hlaupum núna eins og undanfarið og hef ekki fundið mér góðan tíma í blogg en það kemur væntanlega hjá mér! Takk fyrir kommentin stelpur og sorry hvað ég er lítið á ferðinni í kommentunum hjá ykkur, ég þarf að skipuleggja mig betur!

Tímaleysi

2005-04-03T00:17:00.000-08:00

800 grömm horfin síðan ég bloggaði á föstudaginn! Má ekki vera að því að skrifa meira núna, það er tvöfalt starf að vera ástfangin!!! *tíst* :)

Mars uppgjör

2005-04-01T04:09:00.000-08:00

Þá er mars á enda og komið að uppgjörinu. Vigtin hefur ekkert farið niður síðan ég bloggaði á mánudaginn og hún hefur ekki farið upp heldur. Heildarfjöldi burtfloginna kílóa í mars voru 3,6 kíló. Samtals eru þá farin 13,2 kíló og núna á ég á eftir að tæta af mér 31,4 kíló. BMI er núna 33,8 og ég er 106,8 kíló. Ég kemst alveg pottþétt í tveggja stafa tölu í maí eins og mig dreymdi um.

Ég finn heilmikinn mun á mér og búin að henda fullum höldupoka af of stórum fötum og farin að nota aftur föt sem ég var að nota fyrir 2 árum. Varð svakalega ánægð þegar ég uppgötvaði að ég passaði aftur í NIKE gallann minn, hann er svartur úr þunnu efni og klæðir af mér helling af kílóum. Svo bíða mín svakalega flott sumarföt sem passa á mig sennilega í júní eða jafnvel í maí. Það er ekki fyrr en ég verð komin niður fyrir 90 kíló sem ég þarf að kaupa mér föt. Svo þegar ég verð komin niður fyrir 80 kíló þá bíða mín tvennar vandaðar klassískar dragtir sem ég hlakka mikið til að nota aftur og reyndar fleiri föt sem eru klassísk og standast tímans tönn. Já það er margt að hlakka til. Ástin blómstrar líka alveg og ég er þakklát fyrir þá gleði sem umlykur mig þessa dagana!

Ástfangin kona

2005-03-28T01:13:00.000-08:00

Frá því að ég bloggaði síðast eru farin 600 grömm. Ég hef verið að borða smávegis góðgæti yfir páskana og meira segja fékk ég mér smá páskaegg en allt í hófi og ég hef hvergi misst stjórn á mér í þessu páskaáti mínu. Lífið mitt hefur skyndilega tekið nýja stefnu alveg óvænt og ég svíf hérna í rósrauðum skýjum yfir því. Stressið og óvissan hvarf og sæluástand komið í staðinn. Já ég er ástfangin upp fyrir haus og get ekki þagað yfir því. Sit hérna og hlusta á Natalie Cole syngja og ef þið sæjuð mig núna þá sæjuð þið tvö hjörtu í staðinn fyrir augun og svo gengur sjálft hjartað örlítið út við hvern slátt, já ég er svona eins og teiknimynd! Skrýtið þegar lífið tekur stóra U-beygju alveg án þess að maður sjálfur sé með í ráðum!!!! Þetta var sko ekki á dagskránni hjá mér. En þar sem þetta er allt saman jákvætt og yndislegt þá slaka ég bara á og læt mig fljóta í rósrauðum skýjunum. Hann er YNDISLEGUR :)

Átak og átök

2005-03-23T02:01:00.000-08:00

Heilt kíló farið síðan ég bloggaði síðast!!! Mér finnst það alveg frábært að ég skuli sjá árangur í hverri viku og hef ekki ennþá lent í því að standa í stað á vigtinni en ég reikna samt alveg með að það muni koma þannig tímabil. Ég fer alveg eftir þeim reglum sem ég setti mér í upphafi þessa árs og svindla aldrei en í síðustu viku þá tók ég ákvörðun að fá mér lítinn popp og sykurlaust kók í bíó og mikið svakalega var það gott.

Ég er að ganga í gegnum frekar mikið stress þessa dagana, mikið að gerast hjá mér og í kringum mig, sumt rosalega jákvætt og spennandi og sumt sem vekur hjá mér kvíða og ótta. Ég vakna yfirleitt upp með höfuðverk þessa dagana en ég fæ hann mjög sjaldan annars. Ég reyni að taka mér tíma í að slaka á inn á milli, læt æðruleysisbænina fylla huga minn og hjarta, reyni að vera meðvituð um hugsanir mínar því mér líður eins og ég hugsa og þar og bara þar stjórna ég.

Gleðilega páska átaksvinkonur og passið að vekja ekki púkann með því að næra hann á súkkulaði!!

Buxurnar á hælunum :)

2005-03-15T00:19:00.000-08:00

Frá því að ég bloggaði síðast eru farin 800 grömm. Annars bara lítið að frétta nema að ég gafst upp á því að nota uppáhaldsbuxurnar mínar þegar þær næstum runnu niður um mig á almannafæri. Ég tók mig til og gramsaði smá í skápunum og fann buxur sem ég var búin að steingleyma, næstum ónotaðar og svaka flottar, þannig að ég er búin að redda mér í bili. Uppáhaldsbuxurnar sem voru óþægilega þröngar í byrjun árs farnar í ruslið. Ánægjulegt hvað margir í kringum eru mig farnir að hafa orð á því hvað ég lít vel út.

Hraðferð

2005-03-08T00:59:00.000-08:00

Já, mér finnst ég vera á hraðferð niður og líður svakalega vel með það. Ég er samt ekkert að flýta mér og tek einn dag í einu. Núna eru farin 1,4 kíló frá því að ég bloggaði síðast. Og núna get ég sagt að ég finn mikinn mun á mér, fötin sem ég geng mest í orðin dáldið mikið of stór. Ég ætla samt ekkert að kaupa mér ný föt á næstunni, ætla að bíða eins lengi og ég get með það. Ég hlakka alveg svakalega til að komast í tveggja stafa tölu og núna finnst mér að ég gæti alveg upplifað það með vorinu. Já ég er staðráðin í því að vera bjartsýn og sjá sjálfa mig í tveggja stafa tölu í sumar!

Febrúar uppgjör

2005-03-01T00:23:00.000-08:00

Jæja, þá er komið að samantektinni. Byrja á því að vigtin í morgin sýndi heilt kíló niður frá því ég bloggaði síðast. Árangur Febrúar var þá 3,6 kíló. Ég ætlaði mér nú soldið meira, en ég gerði eins vel og ég gat og er bara ánægð með þetta. Í heildina er þetta svona : Desember : 1,6 kíló – Janúar : 4,4 kíló – Febrúar 3,6 kíló og samtals gerir þetta 9,6 kíló. BMI var í upphafi 38,3 og er komið niður í 35,1. Ég er núna 110,4 kíló og á því eftir 35,4 kíló, hlakka mikið til að tæta þau af mér! Og þá er það markmið Mars mánaðar, ég er að gæla við að ná 4 kílóum, allt í lagi að láta sig dreyma. Reyndar eru Páskarnir í Mars en ég ætla ekki að láta þá trufla mína siglingu! Ég er byrjuð að finna heilmikinn mun á mér og svo er undirhakan :)) = :) eiginlega horfin við mikið lófaklapp, hvað ætli hún hafi verið þung?!? :) Það sem mætti vera betra hjá mér er hreyfingin og ég ætla að taka betur á henni núna. Lengja göngutúrana, mér skilst að það skili sér best í brennslu.

Trallalalala :)

2005-02-22T23:45:00.000-08:00

Vigtoría er sko mikil vinkona mín, hún datt aftur niður um 800 grömm í morgun. Hún sýndi reyndar ekki skemmtilega tölu í gærmorgun en það var örugglega bjúgur eftir ferðina. Þrátt fyrir hungurverki sem ásóttu mig alla ferðina þá lét ég ekki undan, borðaði bara hollustu, hafði það bak við eyrun allan tímann að ég þyrfti að gefa skýrslu hérna á blogginu. Ferlega skrýtið hvað ég er alltaf svöng á ferðalögum, þá langar mig í allskonar kruðerí sem ég leyfi mér annars sjaldan. Ég svo sem vissi að þetta myndi koma yfir mig, enda dauðkveið ég fyrir en þetta hafðist, húrra!!!

Ég er voða löt við að skrifa hérna inn matseðlana mína og hef þetta blogg mitt bara á mínum nótum, kem inn með nýjar tölur öðru hverju og ætla mér að halda þessu svona. Ég er ekki að fara eftir neinum sérstökum kúr heldur sker ég niður fitu og sykur og borða litla skammta og svo er ég alveg dottin í eitthvað hollustuflipp, spái mikið í hvaða næringu maturinn er að gefa mér.

Í DAG en ekki á morgun

2005-02-17T00:08:00.000-08:00

Maður uppsker eins og maður sáir, ekki satt. 800 grömm farin síðan ég bloggaði síðast :)

Ég er að fara í smá ferðalag út fyrir landsteinana og kvíði því soldið að matarræðið mitt fari úr skorðum, það er eitthvað svo týpískt hjá mér á ferðalögum. En núna bara nenni ég ekki þessu jójó ástandi lengur, nenni ekki lengur að hjakka alltaf í sama farinu, upp og niður sömu kílóin. Ég er orðin svo leið á þeim hugsanagangi hjá sjálfri mér að ég ætli að gera betur Á MORGUN!! Ég er feit Í DAG og ég vil ná því að takast á við það Í DAG. Það er alveg pottþétt í mínu tilfelli, að ef ég vil sjá framtíðar lausn á vandanum, þá er ekki bara nóg að breyta matarræðinu og auka við hreyfinguna. Ég þarf endanlega að láta af ýmsum löstum og vera eins og garðyrkjumaður sem týnir burtu illgresið svo rósirnar njóti sín. Ohhh hvað ég er skynsöm núna. Jæja, ég ætla svo sannarlega að vona að ég komi ekki til baka með skottið á milli lappanna og hundfúl yfir því að mér hafi tekist að skemma fyrir sjálfri mér!

------------------------------------------------------
Í gærkvöldi eldaði ég algjört nammi *slurp*

Kjúklingabringur
Brokkoli
Blómkál
Gulrætur
Laukur
Baby Corn stönglar, niðursoðnir
Hvítlaukur smátt saxaður
Mikið af ferskum Kóriander
Niðursoðnir tómatar
Thai Masaman Curry Sause frá Thai Choice (tilbúin í niðursuðudós - fæst í bónus )
Strá meira karrý yfir til að fá þetta sterkara, ég nota Mild Madras frá Rajah

Skera kjúklinginn í þunna strimla og steikja í smá olíu, skera grænmetið í munnbita og setja á pönnuna eða nota pott ef pannan er lítil, opna tómatadósina og fara með beittann mjóann hníf ofaní dósina og brytja þá og hella svo yfir allt, þar á eftir hella karrýsósunni yfir allt og strá meira karrý yfir, hræra vel. Láta þetta sjóða smá stund og þá er smátt söxuðum kóríander dreift yfir og hrært í, soðið þar til gulræturnar eru næstum soðnar. Mér finnst gott að hafa þær ekki of linar. Ég læt kóríanderinn ekki sjóða lengur en 1 – 2 mínútur.

Ég bætti ekki í neinu salti eða öðru kryddi, karrýið og kórianderinn gerir svo gott bragð. Magnið af hverri tegund fer eftir smekk hvers og eins, uppistaðan hjá mér var blómkál og brokkoli, minna af kjúklingnum. Ég hafði hvorki kartöflur né hrísgrjón með.
------------------------------------------------------
Svo prufaði ég þetta einn daginn :

Sætar kartöflur, eggaldin, kúrbítur, tómatar, rauðlaukur, gulrætur, sveppir, allt brytjað í munnbita. Nokkrir dropar af sesamolíu settir yfir og makaðir með puttunum á grænmetisbitana, bakað í ofni – balsamic edik og salt og pipar yfir .. volá ... rosa gott

Ég er orðin voða dugleg í grænmetinu eins og þið sjáið :)

Gangi ykkur vel í baráttunni stelpur og takk fyrir öll góðu kommentin sem hafa svo sannarlega fyllt mig eldmóði.

Vigtoría vinkona

2005-02-11T01:04:00.000-08:00

Já hennar hátign þóknaðist að detta niður um hálft kíló í viðbót í morgun. Ég er eiginlega soldið hissa því að eftir sprengidaginn sýndi hún ömurlega tölu. Ég bjó reyndar til vatnsmelónudrykk um kvöldið til að hreinsa kerfið eftir ráðleggingum frá Sollu í Grænum Kosti og það hefur sennilega flýtt fyrir að ég losnaði fyrr við bjúg og önnur eftirköst. Svo borðaði ég heldur ekki mikið, bara temmilegan skammt, hef oft borðað 4x meira á þessum degi. Framundan eru svo góðir dagar, ekkert í augsýn sem ég tel að muni lokka mig út af réttri braut. Ég er byrjuð að finna smá mun á fötunum mínum og vinkona mín tók eftir því að ég hef runnið heilmikið í andlitinu.

Ég fæ mér yfirleitt aldrei neitt eftir kvöldmat en í gærkvöldi var ég friðlaus, ekki svöng heldur langaði mig í eitthvað gott. Eftir að hugurinn þvældist um víðan völl (lesist sjoppa) þá flysjaði ég 2 epli, skar í bita og stakk inn í ofn, þegar þau voru bökuð þá hellti ég yfir sykurlausu sírópi frá Low Carb og þar yfir setti ég ristaða hafra og sesemfræ og rúsínur sem er selt sem morgunkorn og svo þar yfir spreybrúsarjóma og þetta var alveg himneskt, smakkaðist eins og kaloríusukkbomba. Já það er margt hægt að gera þegar að grípur mann svona sukkþörf. Annars er ég ekki að lenda oft í því núna, er aldrei svöng og það gerir auðvitað gæfumuninn.

Sprengidagur

2005-02-08T01:30:00.000-08:00

Eitthvað er vigtorían treg þessa dagana. Í morgun sýndi hún þó hálft kíló niður. Ég er búin að vera alveg þrusudugleg í matarræðinu, ekkert svindl OG ENGIN BOLLA Í GÆR þrátt fyrir að ég væri slefandi yfir öllum þessum bollum sem voru allsstaðar að þvælast á vegi mínum! Ég er farin að hreyfa mig meira, fer í hálftíma göngutúra flesta daga. Á dagskránni hjá mér er að auka göngurnar smá saman og ég er að spá í að fara jafnvel 2x á dag á meðan ég er að koma mér upp meira þoli. Ég er búin að kaupa mér úlpu sem þolir öll veður svo það er engin afsökun lengur að fara ekki út nema þegar hálka er, þoli ekki hálku. Akkúrat núna er Solla á Grænum Kosti í Íslandi í býtið að tala um að vatnsmelónur séu góðar til að “hreinsa kerfið” Kannski væri sniðugt að eiga melónu í kvöld eftir saltkjötið. Já ég ætla að fá mér smá sprengimat í kvöld. Sniðugt að setja melónuna í blandarann og búa til drykk segir Solla.

Á þessum link eru allskonar góð ráð :
http://edietsuk.co.uk/index.cfm?

Á þessum link eru fullt af uppskriftum og mikið af low fat :
http://www.fooddownunder.com/

Á þessum link er ýmislegt úr þáttunum YOU ARE WHAT YOU EAT sem eru núna á STÖÐ2 á miðvikudögum.
http://www.channel4.com/entertainment/tv/microsites/Y/yawye/index.html

Janúar uppgjör

2005-02-01T05:23:00.000-08:00

Vigtin mín hækkaði sig um 200 grömm í gærmorgun en í morgun voru þau farin aftur, sem betur fer. Ég er semsagt núna 114 kg en í byrjun Janúar var ég 118,4 kg – þannig að 4,4 kíló fóru í Janúar. Allt í allt hafa því farið 6 kíló frá því ég var sem þyngst. Þá eru eftir 39 kíló í kjörþyngd. Já ég hef sett mér markmið að fara niður í 75 kg. Ég er mjög ánægð með árangurinn í Janúar. Febrúar verður tekinn með trompi, ég er búin að setja mér það markmið að fara niður um 5 kíló í Febrúar!! Spennandi að sjá hvort mér tekst það!?!?! Það eru semsagt æsispennandi tímar framundan og eins gott að halda sér við efnið og rúmlega það.

Það er eins og það hafi eitthvað nýtt hugsanaferli farið í gang hjá mér, þegar ég les bloggin hjá Lilju og Gerrit, sjá þær á síðustu metrunum, skynja gleðina innra með þeim, betri líðan þeirra og staðfestuna sem kom þeim alla þessa leið. Ég hef ákveðið að upplifa þetta sjálf. Ekki festast inn í fangelsi spikfeitu konunni heldur kafa inn á við og skynja grönnu konuna sem bíður þarna inni eftir því að fá að njóta sín, aftur. Ég geri mér fulla greina fyrir því núna að þetta gerist ekki af sjálfu sér. Ég geri ákveðnar kröfur til sjálfrar mín og með því að fara að settum reglum þá mun mér takast að hrekja þessa feitu konu út úr lífi mínu.

Speglar eru orðnir óvinir mínir í seinni tíð. Ég kannast bara ekkert við þessa konu sem birtist í öllum speglum núorðið. Hún er raunamædd á svipinn og klæðist fötum sem “ÉG” myndi aldrei klæðast. Ég stefni á að sættast við mína eigin spegilmynd. Sjá aftur brosmildu konuna í fallegu fötunum. Flysja niður feitu konuna eins og epli þar til inn að kjarnanum er komið. Ég ætla að upplifa sigur. Ég ætla að upplifa aftur grönnu mig. Ég ætla að berjast eins og ljón til að ná settu marki.

Lýsið rennur

2005-01-30T01:21:00.000-08:00

Já það er ekki annað hægt að segja en að lýsið renni hérna í stríðum straumum. Morgunvigtin mín sagði 114 kg. og þá eru farin 1,4 kg síðan ég bloggaði síðast. Ég vigta mig á hverjum morgni þessa dagana og það er svo gaman að sjá árangurinn, enda eflist áhuginn meir og meir þegar árangurinn er svona sýnilegur. Ég er hætt að vera eins svöng og ég var því maginn hefur aðlagast minni skömmtum, borða mikið af fiski og kjúkling og grænmeti. Þorramaturinn sem ég ætlaði að leyfa mér endaði í einni sneið af súrum hval en hann er það besta sem ég fæ. Kannski leyfi ég mér smá hliðarspor þegar ég kemst niður í nýjan tug, en kannski bara. Fyrir mig er það ekki ráðlegt að hafa svindldaga held ég.

Gengur frábærlega hjá mér

2005-01-25T05:12:00.000-08:00

Morgunvigtin mín sagði : 115.4 kg þannig að ég er búin að losa mig við 1,6 kg síðan ég bloggaði síðast. Ég er sko ekkert smá ánægð með þennan árangur! Ég hef verið mjög upptekin og ekki mátt vera að því að fylgjast með ykkur hinum en ég var að lesa hjá ykkur og sýnist að öllum sé að ganga rosa vel sem er alveg frábært, til hamingju stelpur og höldum svona áfram!

Vigtin góð

2005-01-15T03:35:00.000-08:00

Jæja, núna er ég 117 kg - þannig að það er farið 1,1 kg síðan ég bloggaði síðast. Gengur bara vel og ég er ánægð. Ég tek ekki nammidag en þegar þorramaturinn kemur í búðir þá ætla ég að fá mér smá af honum, hlakka mikið til.

Smá árangur

2005-01-04T06:57:00.000-08:00

Morgunvigtin sagði mér að ég hefði losnað við 300 grömm, margt smátt gerir eitt stórt! Er núna 118,1 kg.

eg_get spurði hvernig ég hefði farið að því að léttast í desember. Mér tókst að vera óvenjuströng við mig mest allan desember fram að jólum og léttist auðvitað við það. Ég borðaði allt sem mig langaði til á jólunum nema sælgæti, ég sleppti því alveg. Desemberútkoman varð því svona líka skemmtileg. Og nú er að ná því aftur að vera svona ströng. Annars hef ég alla tíð verið ströng við sjálfa mig í janúar en hef aldrei staðið frammi fyrir svona mörgum kílóum áður og því dugar janúar ekki til einn og sér. Ég vona að þetta taki ekki meira en ca 2 ár og með hverju kílói sem fer verður betri líðan

Gleðilegt ár

2005-01-02T15:59:00.000-08:00

Þá er komin tími á að herða sultarólina aftur. Takmark mitt fyrir desember var að þyngjast ekki. Það takmark náðist heldur betur og meira til því ég losaði mig við 1,6 kíló, já vigtin sagði semsagt í morgun; 118,4 kg. og ég er bara þokkalega sátt við það miðað við allt og allt...

Áramótaheitið er að borða hollt og létt. Skera niður sykur og fitu í fæðunni. Léttast um helling af kílóum. Hreyfa mig meira.

Ég ætla ekki að skrifa daglegt blogg heldur set inn nýjar tölur jafnóðum og þær birtast á vigtinni en ég ætla að vigta mig daglega.

Ég sendi ykkur hinum átaksgellunum góðar kveðjur á nýbyrjuðu ári og vona að okkur öllum muni ganga vel með okkar markmið á árinu 2005

Gleðileg jól

2004-12-23T13:50:00.000-08:00

Vona að þið hafið það sem allra best um jólin!

Smá svindl

2004-12-21T08:52:00.000-08:00

Ég gætti ekki að mér í gær, sörur voru á boðstólnum og ég hreinlega stóðst það ekki og fékk mér nokkrar. Ég er að reyna að þrauka en á hrikalega erfitt með mig. Ég vigta mig daglega og er ekki að þyngjast miðað við hvað ég var komin uppí eftir veikindin, en talan 115 kg er ekkert í augsýn strax. Best að láta það bara vaða, ég þyngdist um 5 kíló í veikindunum, fjandans sterar, ojj!!!! En þetta lagast með hækkandi sól, það er öruggt!

Bráðum koma......

2004-12-19T13:57:00.000-08:00

Ég á orðið frekar erfitt með mig, matarauglýsingarnar í sjónvarpinu og tilhugsunin um að bráðum fæ ég svo gott að borða ... jeminn ég fæ vatn í munninn alveg. Ég er samt að reyna að þrauka einn dag í einu. Vinkona mín kom í dag með stóra körfu fulla af allskonar ostum og fleiri kræsingum og mig langar svo hrikalega að fá mér smá ... einn dag í einu skal ég reyna að þrauka aðeins lengur. Ég hef ekki smakkað eina einustu smáköku þótt þær fljóti í kringum mig... einn dag í einu skal ég þrauka.... þetta er að verða eins og martröð svei mér þá....

Voða dugleg

2004-12-15T15:32:00.000-08:00

Já ég er voða dugleg þessa dagana, verð bara að monta mig smá! Og ég er ennþá að fylgja markmiðum þessa mánaðar; að þyngjast ekki. Ég er nú samt farin að hlakka mikið til að borða góðan mat á jólunum en ég ætla að reyna að vera stillt og hleypa mér ekki út í ofát og láta allt sælgæti vera!

Ekkert svindl hérna sko!!!!

2004-12-11T17:04:00.000-08:00

Mér gengur rosalega vel, er búin að ná því að beisla græðgispúkann og er ótrúlega nægjusöm í mat þessa dagana. Ég krosslegg fingur og vona að mér takist að halda þessu svona sem allra lengst. Þessa dagana vigta ég mig á hverjum morgni til að sjá árangurinn og ég er sko alls ekki að þyngjast en það er líka takmark þessa mánaðar, að þyngjast ekki. Í janúar tekur svo alvaran við!!

Svaka dugleg núna

2004-12-08T13:24:00.000-08:00

Þetta gengur vel hjá mér núna, er ekkert að svindla og næ því að vera ákveðin við sjálfa mig. Hef bara borðað létt og tek einn dag í einu, vanda mig heilmikið. Fiskur og kjúklingabringur eru aðaluppistaðan hjá mér núna. Ég hef hitt á óskastund því ég finn ekkert fyrir svindl þörf enn sem komið er, ég er auðvitað orðin voðalega leið á sjálfri mér svona feitri og held að það hjálpi til. Einhversstaðar stendur “EF ÞIG LANGAR NÓGU MIKIÐ ÞÁ TEKST ÞAÐ” og mig sko langar MIKIÐ að ná þessum kílóum af mér!

Góður ásetningur

2004-12-04T10:19:00.000-08:00

Jæja, þá er ég búin að sukka feitt og hef þyngst eftir því. En nú er mál að linni og koma sér í gírinn aftur. Reyndar er þetta skelfilegur mánuður til að vera í aðhaldi en þar sem ég hef verið svo óþekk þá bara verð ég að taka til við aðhaldið aftur, já ef ég ætla ekki að vera eilífðar fitubolla. Planið mitt fram að áramótum er að þyngjast ekki meira en orðið er, nóg er nú samt!!!! Ég ætlast ekki til þess af sjálfri mér að léttast í þessum mánuði en ef að það skeður þá er það bara gott mál auðvitað. Tölur? nei ég ætla ekki að koma með neinar tölur strax, ég einfaldlega skammast mín alveg hræðilega fyrir þessi kíló sem ég hef bætt á mig síðan ég veiktist, en læknirinn minn sagði mér að þetta væri eðlilegt að þyngjast m.v. hvaða lyf ég var að taka inn. Mér líður orðið mikið betur, ég fór niður í svartasta þunglyndi á meðan á þessum veikindum stóð, ég þoli svo lítið núorðið, en ég er alveg sannfærð um að þegar ég fer að léttast þá mun lundin líka léttast meira.

Á lífi

2004-11-24T15:41:00.000-08:00

Ég er eiginlega ekki alveg komin í gang ennþá, ég er smá rokkandi en þetta kemur, vantar smá uppá og vildi bara láta vita af mér. Soldið mikið að gera hjá mér þessa dagana og þá gætir maður ekki nógu vel að sér. En það fer að róast og þá tek ég þetta ærlega í gegn en samt ekki með neinum látum, held að þá fjúki ég bara útaf aftur.

Ekki átakalaust

2004-11-22T13:32:00.000-08:00

Jæja fyrsti dagurinn að kvöldi kominn og ekki var hann átakalaus en það gengur bara betur á morgun. Ég hélt mig soldið við kolvetnasnautt í dag, ákvað að hafa það þannig til að byrja með og sjá svo til. Ég er frekar svöng núna en ég passaði mig að kaupa ekkert sem myndi freista mín í kvöld.

Nýtt blogg

2004-11-21T11:26:00.000-08:00

Bloggið mitt á www.folk.is er ferlega eitthvað seinvirkt og síðustu daga hef ég átt í erfiðleikum með að logga mig þar inn svo ég ákvað að skipta yfir á þetta. Á morgun ætla ég að byrja upp á nýtt í aðhaldinu eftir veikindin. Svo það er líka í tilefni þess sem ég skipti yfir. Á meðan ég stóð í þessum veikindum hef ég þyngst og ég ætla ekki að koma strax með tölur. Já ég er ekkert hætt þótt þetta gangi brösulega, ég er ákveðin í að ná af mér 35-40 kílóum.